كتبت رشا عونى
قال النائب أحمد مرتضى منصور عضو مجلس النواب عن دائرة الدقى والعجوزة، إن منظمة التعليم فى مصر فاشلة، والرئيس السيسى مطالب بموضوع مشروع قومى للتعليم فى أولوياته".
وأضاف منصور فى تصريح لـ"برلمانى": "التعليم صعب على الطلاب طول ما هما بيحفظوا ومش بيفهموا، والتعليم هو أساس تغيير كل شىء فى البلد ولكن للأسف إحنا معندناش تعليم من الأساس".
وأوضح أن أزمة تسريب امتحانات الثانوية العامة جاءت نتيجة عدم وجود تعليم جيد بالدولة، قائلا: "لو الامتحانات متسربتش برضه معندناش تعليم، ومفيش فرق اتسربت أو لا، لأن الطلبة بيغشوا من بعض فى كل الحالات".
وطالب بإلغاء الثانوية العامة، وإلغاء التنسيق، قائلا: "الثانوية العامة ملهاش لازمة ومفيش حد بيتعلم، وكلها مصاريف على الفاضى، والطلبة بيشتغلوا حاجة غير اللى اتعلموها، والدولة تدعم طلبة مش عايزين يتعلموا، والأولى يروح الدعم ده للطالب المجتهد اللى عايز يتعلم أو يعملوا بيها مشروعات عشان اللى مش عايز يتعلم يشتغل ويصرف على بيته".
