بالفيديو.. أهالى دائرة الهرم لنوابهم فى البرلمان: "تعالوا عاوزين نشوفكم ونعرفكم"

وجه عدد من أهالى دائرة الهرم رسائل إلى نوابهم داخل المجلس البرلمانى، وهم الدكتورة مى البطران وإيهاب الغطاطى عن مناطق نزلة السمان والبطران والسيسى وكفر غطاطى وكفلا المنفى وكفر جبل وعزبة البطران.



التقى فيديو"برلمانى" بمجموعة من الأهالى أعربوا عن مطالبهم وأمنياتهم من نوابهم، حيث قال محمد عبد العزيز صاحب سوبر ماركت "والله أنا مسمعتش عنه ولا عن أى نائب تانى"، كما وجه رسالة إلى إيهاب الغطاطى قال فيها: "دور على الناس".

أما مواطنة رفضت ذكر اسمها قالت: "لا نائب ولا نائبة، أول ما الواحد بيقعد على الكرسى استحالة يرد عليكى.. من يوم ما انتخبوا ماحدش شافهم ولا جم هنا خالص " هذا ما قاله محمد عبد المنعم يعمل محاسب فى إحدى المعاصر فى شارع زغلول فى الهرم ، حيث تابع كلامه قائلا: "ياريت بيصوا على المواصلات ونظافة الشوارع".

وقال محمود عبد الله صاحب أحد العقارات الموجودة فى دائرة الهرم "لا بيجوا ولا بنشوفهم، وزى ما الكل شايف هل لو كانوا بيجوا كان يكون الشارع بالشكل ده "وتابع بتوجيه رسالة إلى نوابه فى البرلمان كانت مفداها "حبوا البلد".

كما طالبت "نورا" مديرة مدرسة المشير الأعدادية بنات بالهرم النائبين إيهاب الغطاطى ومى البطران بالإهتمام بالأحياء والنظافة خاصة وأن المدرسة تحيطها القمامة كل جانب هذا بالأضافة إلى موقف ميكروبص أمام بوابة المدرسة وهذا يعد خطورة كبيرة على الطالبات أثناء الدخول والخروج من المدرسة ".

وتابعت حديثها لـ"برلمانى" قائلة: "كام مرة نقولهم تعالوا شوفوا مدراسكم ولا بيسألوا هى أيام الإنتخابات بس وخلاص رغم المشاكل الكتيرة الموجودة عندنا زى الزبالة والدسكات والدهانات".

أما ماجده جبر مديرة شئون العاملين بمدرسة المشير الإعدادية بنات قالت" مابشوفش حد" كما وجهت لهم رسائلة قالت فيها " عاوزين نشوفكم ونعرفكم ،قولولنا بتعملوا إيه ؟إحنا محتاجين أمن فى المدرسة ممكن أى حد يدخل المدرسة بأى سلاح حتى لو عسكرى ، ده غير النظافة والأسعار".

وطالب سيد أبو الفتوح من نوابهم الاهتمام بنظافة ونزع القمامة من الشوارع والأسواق والقضاء على الازدحام .

وقالت مواطنة رفضت ذكر اسمها "على العمايل ماحدش بيعمل حاجة، لسه لحد دلوقتى ماشفناش منهم حاجة، ياريت يقفوا جنب الناس بلدنا محتاجة حاجات كتير قوى الكهربا والمستشفى والشباب عايز شغل ".
أما عطيه يوسف فرسالته كانت كافية حيث قال: "أنا عارفهم لكن محدش بيشوفهم نهائى".