الرئيس السيسى للمصريين: "أنا فى ضهرى ربنا.. وعايزكم انتوا فى ضهر مصر"

قال الرئيس عبد الفتاح السيسي، إن الجهاز الإدارى للدولة يمثل تحدّيا كبيرا، خاصة أنه لا يعمل بالشكل الذى نتمناه، متابعا: "تم تعيين مليون موظف فى 2011، كلهم لا عمل لهم بالجهاز الإدارى المشبع بالموظفين، كان فيه 5.5 مليون موظف وزودنا عليهم مليون بالمظاهرات، وتم تعيين ألف منهم فى المترو، وده حصل فى كل وزارات مصر".

وذكر الرئيس السيسي، فى حديثه خلال المؤتمر الوطنى الخامس للشباب المنعقد الآن، حوارا جمعه بوزير الطيران المدنى، قائلا: "كلمت وزير الطيران وقلت له إحنا ليه مش عارفين ننافس؟ قال لى يا أفندم إحنا عندنا 27 ألف موظف زيادة دخلوا الوزارة بتخصصات ملهاش لازمة وبعيدة عن المطلوب".

وعن موقفه من العاملين بالجهاز الإدارى للدولة، قائلا الرئيس خلال جلسة "هنكمل الحكاية" بمؤتمر الشباب: "أنا ما أقدرش أمشّى الناس دى، ومحدش هيقدر يمشى الناس دى، والـ7 مليون اللى فى الجهاز الإدارى اللى محتاجين منهم بالكتير مليون، بس محدش يقدر يمشيهم وما ينفعش ومش هنعمل كده"، مؤكدا أن هذا العبء فاتورة كلنا مع بعضنا ندفعها، ومع بعضنا نقدر".

ووجه الرئيس السيسي حديثه للمصريين قائلا: "أنا عايزكم فى ضهر مصر.. وأنا فى ضهرى ربنا، لأنه هو اللى مُطّلع عليّا وهو اللى هيحاسبنى ونقف قدامه ونتحاسب، والله لأقف أمام الله وأقوله أنا مسامح".