السيسى: "اللى عمل مشروع قناة السويس هما المصريين مش أنا.. والإرهاب محدود جدًا"

قال الرئيس عبد الفتاح السيسى، إن إنجاز مشروع قناة السويس فى هذه المدة رسالة على قدرة المصريين على فعل المستحيل.
وأضاف الرئيس السيسى، فى حواره مع الإعلامى أسامة كمال على التليفزيون المصرى، قائلًا: "المصريين محتاجين يعرفوا أنهم قادرين على فعل المستحيل ويعرفوا مشاريعنا بالكامل بالمعدلات والتكاليف دى.. ودى محاولة لتقديم الذات المصرية بأنها قادرة على فعل المستحيل".
وتابع: "اللى عمل مشروع قناة السويس هما المصريين مش أنا، وكل المشروعات اللى بتتعمل بيعملها الشعب المصرى".
وأشار الرئيس السيسى إلى أن حجم النشاط الإرهابى لا يتخطى الـ 2 أو 3% فى سيناء، قائلًا: "حجم النشاط فى مساحة محدودة جدًا بالجزء الموازى من أول حدودنا لغاية العريش وكل المساحة دى لا تتجاوز الـ 2 أو 3%".