كتب أحمد خالد
نشر الدكتور حافظ أبو سعدة، المرشح عن دائرة المعادى وطرة، عدة نصائح على موقع التواصل الاجتماعى "فيس بوك" وجهها للمواطنين للنزول والمشاركة فى العملية الانتخابية من المرحلة الثانيه من الانتخابات البرلمانية.
وكتب"أبو سعدة" قائلا:"ليه لازم انتخب؟؟"عشان اللجنة ألف صوت لو حشد نائب فاسد بالفلوس 100 صوت والباقى منزلش هينجح إللى حشد بالفلوس.. عشان عدم النزول هيجيب إللى أنت مش عايزه.. عشان عدم النزول هيوصل إللى سرقك قبل كده للبرلمان يسرقك تانى.. عشان لو منزلتش مش هيبقى فى رقابة كويسة على ميزانية الدولة بدل ما تتوجه للخدمات وخلق فرص عمل تتوجه للفساد وتفريغ الثروات والأراضى.
وأضاف المرشح،قائلا، "علشان لو منزلتش هيطبق عليك أى قانون حتى لو مش عاجبك.. عشان بصوتك تقدر تجيب حد يحاسب الحكومة على الصحة والتعليم وفرص العمل وغيره كتير.. عشان لو منزلتش تبقى بتسيب صوتك لأى حد".
