نبيل أبو باشا:"صعبانة عليا فلوس الدولة المهدرة فى أولمبياد البرازيل"

وصف نبيل أبو باشا عضو مجلس النواب، أداء بعثة مصر فى أولمبياد ريو دى جانيرو فى البرازيل، بعد حصدها للمركز الـ67 على مستوى العالم بميداليتين برونزيتين فقط، بـ"النتائج محزنة"، متسائلًا: "إلى متى نفضل نتصرف بالطرقة اللى تودى فى داهية؟".

وأضاف أبو باشا فى تصريح لـ"برلمانى": "الناس اللى طلعوا البرازيل كلفوا الدولة أد إيه والمردود بتاع الرحلة أد إيه؟، مش القصة أننا بنروح بأكبر وفد وتمثيل على أعلى مستوى لأن التمثيل بالشكل ده فشل، ووزير الشباب والرياضة رايح هناك يقعد على نفقة الدولة، بصراحة دى حاجة جميلة جدا، بصراحة آسف على النتائج وأنا صعبان عليا فلوس الدولة المهدرة".