النائب سعيد حساسين مهاجما منظومة الصحة:" الغلبان بياخد بالجزمة"

استنكر الدكتور سعيد حساسين، عضو مجلس النواب، الخدمات الصحية فى المستشفيات، بسبب واقعة وفاة طالب أثناء علاجه من كسر فى قدمه، قائلًا :" ده حاجة بقت تقرف أمال لو عنده مرض فى المخ أو القلب كنتوا عملتوا فيه إيه؟".

وأضاف حساسين، خلال تقديمه برنامج "انفراد"، على قناة "العاصمة" قائلا، "بيزعلوا لما الناس تهاجر بطريقة غير شرعية، بس أهو، الواقع بيقول أن الغلبان والفقير بيأخذ بالجزمة، ولو مش عاجبة الجزمة بيأخذ جزمتين"، على حد تعبيره.

وناشد حساسين، المسؤولين بمراعاة ضمائرهم من أجل تقدم البلد وتقديم خدمات جيدة للمواطنين، قائلًا :" عملوا الناس بما يرضى ربنا، عامل الغلبان زى ما بتعامل الباشا عشان البلد تطلع قدام".