بالفيديو.. ميدو: "رفعت قضية ضد مرتضى لإهانتى ولو عايشين فى دولة بلطجة مش هيعرف يعمل حاجة

قال أحمد حسام ميدو المدير الفنى السابق لنادى الزمالك: "النهاردة قبل ما اجيلك الحلقة كله حذرنى اوعى تدخل فى صدام مع مرتضى منصور لأنه مسنود من الرئيس شخصيا وأنا قولتلهم أنا مش خايف وأبويا ربانى انى مبخافش وربناى انى احترم الناس".

وأضاف ميدو فى حواره مع الإعلامى عمرو أديب، ببرنامج "القاهرة اليوم" المذاع عبر فضائية "اليوم": "بتقولوا الرجل دا مسنود انا مصدق الرئيس عبد الفتاح السيسى، اننا مازالنا نعيش فى دولة القانون وإيمانا منى بكلام سيادة الرئيس توجهت للنائب العام ورفعت قضية ضد مرتضى منصور، لأنه أهنى ومؤمن اننا فى دولة القانون ومؤمن أن السيسى لا يرضى أن يتم تهديد شباب مصر من راجل دولة ومحسوب على نظام الرئيس ويفخر أنه على اتصال مباشر به".

وتابع ميدو، "لا يرضى الرئيس لشاب سافر وكافح وأجتهد علشان يبقى محترم ورجع بلده علشان يعيش هو وعياله ويتهدد أنه مش هينزل من بيتهم وقولنا احنا فى دولة قانون ولا بلطجة وقلة أدب ولو فى بلطجة احنا اكتر ناس مستفدين من كدا ومرتضى مش هيعرف يعمل معانا حاجة".