مرتضى منصور: "القمة تحصيل حاصل وكيد النسا ميشغلنيش"

أكد مرتضى منصور رئيس نادى الزمالك، أن مباراة فريقه غدًا السبت أمام الأهلى، فى القمة 112 بختام الدورى الممتاز، تعد "تحصيل حاصل" بعد حسم الفريق الأحمر الفوز بلقب البطولة.

وقال مرتضى منصور فى تصريحات على هامش اجتماعه بالجهاز الفنى اليوم: "الأهلى خد اللى هو كان عايزه.. وأنا مخدتش اللى عايزه.. وبالنسبة للملعب هيبة الزمالك ليست باللعب يمين أو شمال ولكن الهيبة بحصد البطولات.. ومن بداية المسابقة والأمن هو المتحكم فى أمر الملاعب".

وشدد مرتضى منصور على أنه ليست لديه أى أزمة بشأن الجماهير قائلا: "فى كيد نسا على بعض مواقع التواصل الاجتماعى وده مبيشغلنيش، لأن أنا فى البداية والنهاية رجل دولة ومتلسوعين من الشوربة قبل كدة.. ممكن نقول هنلعب فى المكان ده وفى الآخر يحصل حاجة يقولوا هاتوا المجلس اللى مش مقدر مسئولية البلد".