كتب سمير حسنى
روت سمر جلال مصطفى، عضو فرقة "بهججة"، مواقف التحرش التى تعرضت لها، قائلة: "من ساعة ما بطلت أركب مواصلات واشتريت عربية، التحرش قل بنسبة كبيرة، أنا اتهريت، واتبهدلت بشكل غير طبيعى، لدرجة إنى اكتسبت خبرة فى الحكم على الشخص المتحرش"، موضحة أن مشكلة التحرش الآن غير زمان، فالمجتمع يعترف بها، والبنات أصبحت لديهم الجرأة فى رد الفعل واتخاذ موقف مع المتحرش بهن.
من جانبها، أضافت نهال كمال الدين، عضو فريق "بهججة" - فى حوار مع الإعلامية شريهان أبو الحسن، فى حلقة اليوم الاثنين من برنامج "ست الحسن"، الذى يذاع عبر قناة "أون تى فى" – قائلة: "اكتشفت إن مش بس الرجالة هى اللى بتتحرش، لأ ده كمان فيه بنات بتتحرش ببنات، على طريقة إنتى إزاى لابسة كده؟ وإنتى شعرك عامل كده ليه؟ ووجود "السوشيال ميديا خلّى البنات تحكى قصصها مع بعض، وزاد تشجيعهم لبعض عن تجاربهم مع المتحرشين".
