الرئيس عبد الفتاح السيسي
رحب الرئيس عبد الفتاح السيسي خلال كلمته باحتفالية القبائل العربية والعائلات المصرية بذكرى انتصارات أكتوبر بكل الحضور من كافة المحافظات ومن كل حتة فى مصر.
وأكد أن مناسبة ذكرى مرور 51 عاما على نصر أكتوبر مناسبة هتفضل دايما خالدة فى الوجدان.
وقال الرئيس السيسي: بشكر كل من ساهم فى هذه الاحتفالية.. سواء منظمات المجتمع المدنى واتحاد القبائل وكل اللى شارك.. بشكركم.. ونوجه التحية لكل شعب مصر بمناسبة هذه الاحتفالية دى. لازم تفرحوا.. حكاية أكتوبر ملهمة لا تنتهى.. والنصر لم يكن بسيطا وكان خلفه إرادة شعب كامل.. رفض الهزيمة تحدى نفسه وظروفه وتحدى التحدى نفسه. اللى بتشوفوا دلوقتى.. من غير تفسير كتير وتوضيح كتير.. نفس الظروف بعد 67.
وأكد أن: كل الناس والعالم والخبراء واللى مهتمين بالموضوعات العسكرية وتحديات الدولة المصرية خاصة على الصعيد العسكرى كانوا بيقولوا مستحيل.. خط بارليف المانع الكبير.. المقارنة لم تكن فى صالحنا..
وتابع: أن الشعب المصرى تحدى نفسه وحقق الانتصار وعلشان الانتصار ده غالى اوى دفعنا فيه دماء شبابنا ودماء المصريين.
الرئيس الراحل أنور السادات دفع حياته من أجل السلام.. ودى كانت فاكره سابقه العصر.. عندنا تحديات صعبة وعندنا روح وإصرار على النجاح وبفضل الله سبحانه وتعالى وبالعمل والإصرار والمتابعة هنعبر كل تحدى أمامنا ونصل بفضل الله مع بعض إلى كل ما تتمنى.
وأشار إلى أن الحكايات الـ 8 اللى جت النهاردة.. حكايات لناس بسيطة موجودة فى كل بيت مصرى يسعى من أجل حياته وأسرته لحياة أفضل.. قادرين على تحقيق الانجازات.. فى سيناء نعمل حى باسم الحاجة فرحانة علشان نفتكر.. ونكون فاكرين الجميل.. فيه ناس كتير قدمت كتير لمصر.. فرصة لنموذج للحاجة فرحانة.. ونعمل حاجة فى القاهرة.. محور أو حاجة كده من أجل نشوف أهلنا فى سيناء عملوا ايه.
وفى الختام وجه الرئيس تحية لكل من ساهموا فى الاحتفالية.. وخص بالذكر الفنان محمد منير.. وشكره على مساهمته واصراره على التواجد فى الحفلة وربنا يديله الصحة.. كل سنة وانتم طيبين وكل الشكر ليكم.. على اللى ساهم وجاهد وعمل معانا.
