بالفيديو.. "مخاليف" لـ"السادات": "خف السفر برة "..والأخير: أنت عايز تعمل بطل على حسابى

وقعت مشادة كلامية حادة بين النائب محمد أنور السادات، رئيس لجنة حقوق الإنسان بالبرلمان، والنائب عاطف مخاليف وكيل اللجنة، بعدما قال الأخير: "أنا وكيل اللجنة مش عاوز أبقى وكيل لأننا بصراحة مشتغلناش من 7 شهور فاتوا ولا طلعنا زيارة ميدانية واحدة.. وأنا قلت ليك خف زيارات برة علشان نعرف نشتغل".

الأمر الذى دفع "السادات" للرد قائلاً: "أنت عاوز تطلع بطل على حسابى يا راجل لما يكون فيه حديث دار بينى وبينك تطلع جرى على رئيس المجلس تبلغه علشان تاخد بنط على حسابى أنا عند رئيس المجلس".



فقاطعه "مخاليف" خلال مداخلة مشتركة مع "السادات" بفضائية "النهار اليوم"، قائلاً: "لا أنا مش هاخد بنط أنت رئيس لجنة مهمة ولازم يعرفوا كذا وكذا حصل.. هو شغلنا أننا نقابل السفير العلانى والسفير الفلانى".



واحتد رئيس لجنة حقوق الإنسان بالبرلمان، قائلاً: "أنا عارف أن اللجنة دمها تقيل لانها بتتعامل مع شكاوى الناس ومظالهم وحقوقهم.. وطول ما أنا رئيس اللجنة أو عضو فيها حق الناس هدافع عنه مهما كان كدا ومن الآخر بقولها وعلى الهواء حق الناس اللى وثقت فينا لابد أن نؤديه بكل أمانة ومش هنخاف من حد".