الرئيس السيسى: لا أستطيع البقاء فى الحكم "يوم زيادة" طبقا للدستور

قال الرئيس عبد الفتاح السيسى، إن تناول بعض وسائل الإعلام لعدد من القضايا المهمة والساخنة بشكل غير موضوعى، يمكن أن يؤدى إلى كارثة فى منتهى الخطورة، لافتًا إلى أنه لم يكن لديه شك بشأن رد فعل الشعب المصرى تجاه دعوات التظاهر فى 11 نوفمبر، قائلاً: "عشان تعرفوا إنى عارف المصريين كويس، والله العظيم مكنش عندى أدنى شك باللى انتوا شفتوه يوم 11-11، شعب مصر عظيم.. فى كلام أقدر أقوله وفى كلام مقدرش أقوله".

وأكد الرئيس السيسى، خلال الجلسة العامة الثانية من الحوار الشهرى للشباب، والخاصة بالإصلاح الاقتصادى ورؤية الشباب، للمرة الثانية على تصريحاته فى المؤتمر الأول للشباب، أن تداول السلطة مضمون، قائلا: "دولة زى مصر بحضارتها اللى النهارده 92 مليون نسمة عشان تتحرك وتعمل اللى عملته دا معناه إن الدولة بأجهزتها ومؤسستها مابقتش قادرة، والناس قالت نغير بقى وقلتلكوا كسبتوا وحققتوا اللى انتوا عاوزينه".

وتابع السيسى: "اللى بيكلمكوا ميقدرش يقعد فى مكانه يوم زيادة، يمشى طبقًا للدستور، ومكنش حد يقدر يقول دا ولا يفكر فيه، أنا عايش حكاية مصر من 30-40 سنة فاتوا، الحكاية كبيرة قوى، إحنا معندناش منظومة متقدمة تسيطر على محطات الوقود لمعرفة حجم الوقود ومعدل الاستهلاك اليومى، كل خوفى عليكوا انتوا، على المصريين، أكتر حاجة تقلقنى، لا برا ولا جوه، أهم حاجه تماسككم أنتم، وعمرى ما خفت على مصر إلا من غياب وحدتها أو تماسكها".