كتب أحمد عبد الرحمن
قال الرئيس عبد الفتاح السيسى، إن التحية للشعب المصرى واجبة، مردفاً: "أنا مقدر جداً اللى حصل الشهر اللى فات واللى قبله، واحنا بنتكلم على 30 شهر كلها محاولات بتتعمل علشان الدولة دى متكملش، وانتو يا مصريين ودا كلام من قلبى ليكم، اسمحولى أقولكم باسم مصر، مصر بتشكركم علشان حافظتم على كرامتها وكبريائها".
وأوضح الرئيس، خلال الجلسة الختامية لمؤتمر الحوار الشهرى الوطنى للشباب: "اللى انتو عملتوه خلال الفترة اللى فاتت معناه انها ما تتهانش وما تبقاش على صفحات الجرائد أو القنوات التليفزيونية دولة بتضيع، وكتر خيركم يا مصريين وشكراً جزيلاً"، مستطرداً: "ما هو الشعب المصرى رغم كل الظروف الصعبة اسمه كرامة، والشعب المصرى عنده كرامة وكبرياء بلا كبر وعزة وتواضع.. ويا رب ماتحوجنا إلا ليك".
