كتب محمد مجدى السيسى
اعترض وحيد قرقر وكيل لجنة النقل بالبرلمان، على رفع سعر تذكرة مترو الأنفاق، معلناً تنصله من قرارات الحكومة فى هذا الشأن، خلال اجتماع لجنة النقل المنعقد الآن برئاسة اللواء سعيد طعيمة، وبحضور وزيرى النقل وشئون مجلس النواب، لمناقشة سعر تذكرة المترو.
وتابع "قرقر" فى كلمته التى وجهها لوزير النقل: "أقل موظف عندى فى الشركة النهاردة بياخد 6000 جنيه ومش قادر يعيش، المفروض واحنا بنعمل مشروعات كبيرة، نحافظ على البعد الاجتماعى، واحنا كبرلمان قلنا احنا مع الحكومة فى الإصلاح الاقتصادى، لكن ما تقربوش من المم والمرتبات".
ومن جانبه، قال محمد بدوى دسوقى الوكيل الثانى للجنة النقل، أن زيادة سعر تذكرة المترو ضرورى، متابعاً: "لما نتكلم عن البعد الاجتماعى، احنا كده بنحط السم فى العسل، لازم التذكرة تزيد، واللى خد قرار تحرير سعر الصرف يقدر ياخد أى قرار تانى".
وتابع "دسوقى": "مش عاوزين نتعامل بالعواطف، وإلا مش هنلاقى المترو أصلاً، لازم التذكرة تزيد علشان المترو يقدر يكمل"، مقترحاً أن تكون سعر التذكرة 3 جنيهات، وتكون صالحة لمدة ساعتين.
واعترض عدد من نواب لجنة النقل على حديث "دسوقى"، موجهين له الحديث: " اتكلم عن نفسك، خلوا التذكرة بـ 10 جنيه علشان محمد بدوى دسوقى يرتاح".
