نائب دمياط: "القهوجى مش من الأزهر عشان يربى العيال.. ولابد من لجان متابعة"

أكد النائب محمد الحصى، عضو مجلس النواب بمحافظة دمياط عن حزب مستقبل وطن، أنه لابد من تشكيل لجان متابعة يشارك بها عدد من رجال المحافظة والمدارس المنتشرة بالمحافظة، لمتابعة تطبيق قرار المحافظ بشأن منع الطلاب من الجلوس على المقاهى أثناء فترة الدراسة، قائلا "صاحب القهوة لو قال طالب لا مش هتقعد هيروح القهوة اللى صاحبها هيقوله إتفضل، ومش القهوجى اللى هيربى العيال".

تابع "الحصى" فى تصريح لـ "برلمانى": لابد من تحديد نظام فى مجتمع عامل وتحديد نظام لمحاسبة كافة المخطئين، ولابد من المتابعة، أصل القهوجى دا مش من رجال الازهر، وبعدين أنا لما كنت طالب فى الثانوية العامة، كان الناظر بتاع المدرسة بياخد حنطور ويلف على القهاوى، الطالب اللى بيلاقيه كان يجلده قدام كل الناس".

كان محافظ دمياط قام بالتنبيه على أصحاب المقاهى بعدم السماح للطلاب بالجلوس على المقاهى فى الساعات الأولى لصباح اليوم وحتى إنتهاء اليوم الدراسى، على أن يبدأ التطبيق الثلاثاء المقبل.