..رئيس "نقل البرلمان" لوكيل الوزارة:". لازم تعرف إنك النهارد فى الشغل بكرا برا"

وجه اللواء سعيد طعيمة رئيس لجنة النقل بمجلس النواب، حديث حاد لطارق أبو ألوفا وكيل وزارة النقل، رئيس الهيئة القومية للأنفاق، على خلفية قرار صرف 8 شهور حوافز للعاملين بمترو الأنفاق، عقب قرار رفع سعر تذكرة المترو، قائلا: "والله انتوا بتخزقوا عين الشعب".

وأضاف "طعيمة" خلال اجتماع اللجنة المنعقد الآن، لمناقشة معدلات تنفيذ مشروعات الخطة الاستثمارية الهيئة القومية للأنفاق عن العام المالي 2016/2017، فى حديثه ل "أبو الوفا": "أنا بكلمك كأخ، إزاي تاني يوم بعد ما تغلي تذكرةالمترو، تاخد قرار زى كده، لازم تعرف إنك النهاردة في الشغل بكرا برا، لازم تتأكد أن ممكن يكون حد في أسرتك ناقم عليك".

فعقب طارق أبو الوفا رئيس الهيئة القومية للأنفاق: "أنا بتكلم النهاردة عن موازنة الهيئة القومية للإنفاق، لكن ما تكلمت عنه يخص الشركة القومية لإدارة وتشغيل مترو الأنفاق، صحيح التوقيت مكنش مناسب، لكن كل ما بيحصل أي موقف الناس دى بيتظاهروا وبيمتنعوا عن الشغل، و بالتالي بيحصل زحام كبير في الشارع، فالجمعية العمومية وقعت تحت ضغط ٧ آلاف عامل، وبالتالي صرفوا الحافز ، وبعدين الوزير رد وقتها ووضح بعد هجوم الإعلام".

فرد اللواء سعيد طعيمة عليه، رافضا تعقيبه بقوله: " انا شفت رد الوزير، ولما ترد بعد القرار يبقي انت متهم، وبعدين هل انتوا عندكم لجنة لإدارة الأزمات"، فأجاب "أبو الوفا": " لما عطل قطار بالمترو مكنش فيه ونش بهذهالحمولة"، فرد "طعيمة": "انت بتكلم واحد طول عمره علي الطريق، أنا مسجل على تليفوني كل أرقام اصحاب اللوادر، كانت أول ما تحصل حادثة أكون موجود".