أكمل قرطام لـ"نجيب ساويرس": "هما المستقلين اللى بتجيبهم لحزبك خرفان ولا إيه؟"

هاجم المهندس أكمل قرطام، رئيس حزب المحافظين والقيادى بائتلاف "دعم مصر" التصريحات التى قالها المهندس نجيب ساويرس مؤسس حزب المصريين الأحرار، عن أن المنضمين لـ"دعم مصر" "

بيحاولوا يعملوا خرفان بمرشد

".

وقال قرطام، ردا على ذلك: "طب والمستقلين اللى بيجيبهم حزب المصريين الأحرار وبيتفق معاهم، علشان بيحاول يعمل إيه، خرفان بردو ولا إيه؟".

وأضاف قرطام فى حواره لـ"برلمانى": "أنا عاوز أقول إن علاقة المصريين الأحرار بالأجهزة جيدة جدًا، على عكس علاقة عدد من الأحزاب بها، المصريين الأحرار قريب جدًا من أجهزة الدولة، وده شىء محمود، ونجيب ساويرس يعرفهم وأصحابه وبيزورهم، على خلاف ما يحدث معنا".

وعن سعى ساويرس لتشكيل الأغلبية، قال قرطام: "علشان يمرر أفكاره، اللى هى للصالح العام، وعاوز رئيس الحكومة يبقى موالى للحزب بتاعه، علشان يقدر ينفذ سياسات الحزب بتاعه، وده طموح مشروع، مشكلة نجيب الوحيدة إنه مش واخد منصب فى الحزب، قاعد من ورا، ودى حاجه مش لطيفة بالنسبة له وللحزب، عاوز تدخل السياسة ابقى رئيس حزب علشان تتحاسب، مش عاوز تدخل خليك عضو فى حزبك".