مرتضى منصور: "الثورة مش قلة أدب.. وبقول للسيسى اضرب بإيد من حديد بالقانون"

شن المستشار مرتضى منصور، رئيس نادى الزمالك وعضو مجلس النواب عن محافظة الدقهلية، هجومًا حادًّا على نقابة الأطباء، والدكتورة منى مينا وكيل مجلس النقابة، وحمدين صباحى، وخالد على، المرشحين السابقين لرئاسة الجمهورية، قائلاً: "إيه القرف اللى إحنا فيه ده؟ إيه الدولة المهزوزة دى؟ فين الدولة؟".

وقال "منصور" - فى مداخلة هاتفية مع برنامج "انفراد" – "الثورة مش فوضى أو قلة أدب كما يظن البعض، أنا حزين وقرفان، وبقول للسيسى اضرب بإيد من حديد بالقانون، واقبض على منى مينا واحبسها".

كما هاجم مرتضى منصور فى مداخلته، حمدين صباحى، وخالد على، ومحمد الأمين، وخيرى رمضان، ومنى مسنا، وخالد داود، وجميلة إسماعيل، وأيمن نور، وعمرو الشوبكى وعبد الحليم قنديل، مضيفًا: "99% من الصحفيين محترمين، و1% مهجصين.. والدولة سايباهم وخايفة.. أنا ما بشتمش ولا بجيب واقى ذكرى ولا زى أبلة فاهيتا".

وردًّا على تيمور السبكى صاحب التصريحات المسيئة لنساء الصعيد، قال مرتضى منصور: "ستات الصعيد قادوا ثورة 1919، وأبناؤهم حاميينك وبيحموا شرفك، واستشهدوا فى 73 و67.. الصعايدة مش بيسيبوا تارهم".