توفيق عكاشة يفجر مفاجأة:"دعيت سفير إسرائيل على العشاء فى بيتى وهتصور معاه" (فيديو)

فى مفاجأة جديدة، أكد الدكتور توفيق عكاشة عضو مجلس النواب عن دائرة طلخا ونبروه بمحافظة الدقهلية، عن أنه وجه دعوة للسفير الإسرائيلى بالقاهرة ديفيد جوفرين، للعشاء فى منزله الأسبوع المقبل، لمناقشته فى أزمة سد النهضة وعدد من الموضوعات الهامة.

وأكد توفيق عكاشة، عبر قناة الفراعين، أن الدعوة جاءت بعد إرسال نسخة من كتابه "دولة الرب.. الماسونية.. والألفية السعيدة"، للسفير الإسرائيلى ليعرفه أنه يعرف كيف يفكرون وليس اليهود فقط هم الذى يعرفون كيف نفكر.

وقال: "إحنا عندنا انفصام فى الشخصية الممانعة النفسية التى تم ملء مرجعية اليسار مرجعية ماركس الماسونى اليهودى بيها بتؤدينا لنا دلوقتى لأمراض اسمها أمراض الممانعة النفسية، هل سفير إسرائيل فى مصر، الشرطة المصرية مش عاملة عليه حراسة، المخابرات العامة المصرية مش مشاركة فى تأمين السفير الإسرائيلى، كمية الحراسة اللى مع السفير أد إيه؟ 15 ضعف اللى مع أى سفير فى مصر، ضعف اللى مع السفير الأرميكانى، ده نتاج إيه؟ مش نتاج اعتراف مصر بإسرائيل واعتراف إسرائيل بمصر فى معاهدة السلام 79، جميل إحنا ليه عمالين بنلف وندور على بعض، لماذا لا نواجه هذا الموقف؟".

وتابع عكاشة حديثه قائلا: "أنا شخصيا وجهت دعوة للسفير الإسرائيلى ومن يريد أن يدعوه معه لحضور العشاء عندى فى البيت عشان ندير حوار على الكتاب (دولة الرب.. الماسونية.. والألفية السعيدة)، ثم استطيع أن أقدم لبلدى ما استطيع تقديمه ولو كانت آخر نقطة فى دمى، وبقول لصحفيين مصر زايدوا ده أنا هتصور معاه وهديكوا الصور تنشروها، إحنا هننصب على بعض؟ إحنا هنشتغل نصابين على بعض عشان نموت بعض؟ أنا عندى كارثة والدولة متكتفة وحاطه خطة لمواجهة الكارثة لكن هذه الخطة مليانة ضحايا.. ما كفاية ضحايا الطرق وضحايا الإرهاب، هيبقى كمان الميه؟ الله ولا إحنا الشعب كتير عدده كبير يبقى عايزين نخفض الأعداد، ما كفاية ضحايا الاقتصاد الناس اللى بتنام من غير عشا".