السيسى: "أنا مش كبير على الشعب.. والمقام العالى لبلدنا فقط"

قال الرئيس عبد الفتاح السيسى، إن دور الدولة فى الانتخابات تمثل فى أمرين أساسيين، أولهما التأمين، والثانى ضمان الشفافية والنزاهة للعملية الانتخابية، لافتًا إلى أن التجربة المصرية بها إيجابيات كثيرة وعظيمة، وسألت وزير الداخلية مرة قلت له "عملنا كام انتخابات فى الـ 4 سنوات اللى فاتوا؟!، فأجاب "حوالى 8 أو 9 ".. فقال السيسى ضاحكًا: "انتو زهقتوا ولا إيه؟!".

وأضاف الرئيس على هامش ندوة للقوات المسلحة: "يا ترى نسب الحضور فى الانتخابات البرلمانية فى العالم كله احنا فين منها، وفيه ناس تعجبوا من خروجى لدعوة الناخبين للإدلاء بأصواتهم"، موضحًا "أنا مش كبير عليكم عشان أطلع وأقول روحوا الانتخابات، مفيش مقام عالى.. المقام العالى لبلدنا فقط، والناس اللى نزلت بقولها متشكر، والناس اللى ما نزلتش بقولهم انزلوا المرة الجاية، ولو سمحتم خلوا الهدف أننا نحافظ على بلدنا".