بالفيديو.. السيسى: "إحنا بنتكلم فى 17 شهرا مش 17 سنة واللى اتحقق حلم ربنا أعاننا عليه"

قال الرئيس عبد الفتاح السيسى، إن معدلات النمو تسير بشكل جيد خلال الفترة الماضية، قائلا: "إحنا بنتكلم فى 17 شهرا فقط مش 17 سنة، ووالله ما تحقق هو حلم ربنا أعاننا عليه، والقرار السياسى دائما بياخد وقت كبير، وأنا عشان عاوز أحافظ على ثبات المجتمع بطبطب على كله، ولسه بلاقى ناس بتتكلم عن 25 يناير و30 يونيو، اللى حصل دة إرادة شعب وأرجو ما نعملش كدا فى بعض، ولو سمحتم لا تختلفوا لأن التحديات اللى عندنا كفاية".

وأضاف الرئيس: "اللى اتعمل مش قليل، ودة مش عشان أنا موجود هنا، حل أزمة الكهرباء فى مصر والله العظيم لم تنجح فيه دول كثيرة ولكن بتوفيق الله ومساعدته لينا كلنا مش ليا أنا لوحدى نجحنا".