صفحة "ثورة التعليم الفاسد" تتوعد بتسريب امتحان الحديث للثانوية الأزهرية.. اليوم

توعدت صفحة "ثورة التعليم الفاسد" بتسريب ورقة أسئلة امتحان الحديث للثانوية الأزهرية، اليوم الأربعاء، الموافق 8 يونيو الجارى.

وقالت صفحة "ثورة التعليم الفاسد" عبر "الفيس بوك"، انتظرونا غدا فى امتحان الحديث للأزهر علمى"، فى إشارة منها إلى تسريب الامتحان على صفحتها.

وكان أدمن صفحة "ثورة التعليم الفاسد" على موقع التواصل الاجتماعى الفيسبوك، أكد قائلا: "اقرؤوا الكلام ده كويس عشان تعرفوا النظام ماشى إزاى.. الامتحان بينزل الساعة ٩ ونص بعد اللجنة ومش بنزل امتحانات قبل اللجنة.. أنت بدورك أنك تاخد الإجابات من جوه اللجنة بأى وسيلة للغش أن كانت معاك موبايل أو السماعو أو حد بيمليك الإجابات".


وأضاف: "أنا بستنى حد يصورلى ورقة الأسئلة من جوه اللجنة ويبعتهالى على رسايل الصفحة يعنى أى تأخير فى نشر ورقة الأسئلة بيكون من عندكوا مش من عندى.. وأنا بنزل الامتحان اللى بيجيلى على الصفحة وبستنى مساعدة الناس اللى مش بتمتحن وأى حد بيحب يساعد فى الإجابات بيكلمنى على رسايل الصفحة ويحل معايا الامتحان".

وتابع: "الصفحة من أول النهاردة مخصصة لامتحانات الأزهر فقط لأن كل الصفحات التانية مش بتنزل حاجة للأزهر وكل اهتمامهم بالثانوى العام".