"العيد مينفعش من غير فتة الملوخية".. نائب بلبيس يكشف عن طقوس أهالى الدائرة فى الأضحى

لكل محافظة فى مصر طقوس خاصة لتستقبل بها عيد الأضحى، وفى هذا الإطار قال النائب فايز أبو خضرة عضو مجلس النواب، عن حزب الوفد، ببلبيس، بمحافظة الشرقية، إن من أهم طقوسه التى يتبعاها فى أول أيام العيد التجمع لأداء صلاة العيد فى الخلاء أو فى المساجد، ودى بتكون بداية الفرحة بالعيد عندنا فى مركز بلبيس على حد تعبيره".

وعن الأطعمة والإفطار فى أول أيام العيد، قال، أبو خضرة، "لازم طبعا الأكلة المصرية الشهيرة الفتة باللحمة الضانى، ولكن معظم أهل مركز بلبيس لازم يفطروا فتة بالملوخية، ودى بتكون طبق ملوخية وعليها عيش ورز، وبيكون طعمها جنان".

وتابع نائب بلبيس، "وبعد الإفطار بتبدأ الزيارات للأهل والأقارب، وبلف بنفسى على كل أهل دائرتى للاطمئنان عليهم، وتبادل التهانى".