كتب محمد سعودى
قال النائب حاتم عبد الحميد، عضو مجلس النواب عن دائرة القناطر الخيرية، وعضو لجنة الصحة بالبرلمان، إن هناك جرائم تحدث يوميا داخل دائرته، إلا أن جميعها أحداث فردية.
وأضاف عضو مجلس النواب عن دائرة القناطر الخيرية، فى تصريحات خاصة لـ"برلمانى":" كل يوم بتحصل خناقات ومشاجرات ممكن توصل للقتل.. مثلا على حدود القليوبية الأيام اللى فاتت ولاد عم ضربوا بعض، اتقتل منهم واحد بسبب الشيطان، لكن دى كلها أحداث فردية".
وتابع :"جيل الشباب الموجود حاليا لما بيتحانق بيفتح السنجه ويشتغل خناق على طول.. وتلاقيه جاب أنبوبة غاز والشوم والسكاكين، ومايعرفش يقدر الكبير، لكن كل ده مكنش موجود فى جيل الخمسينيات اللى كان بيحترم الكبير".
وعن كيفية مواجهة هذه المشكلة، قال النائب حاتم عبد الحميد:"دى ثقافة مجتمع.. ولابد من وجود توعية المساجد والكنائس.. بحيث نعلم الجيل الحالى يعنى إيه كلمة وطن ويعنى ايه المواطنة والجدعنة، وإزاى نحترم الكبير".
وتابع:"زمان البنت مكنش حد يقدر يعاكسها لكن دلوقت فيه انفلات اخلاقى رهيب.. وده بسبب البعد عن الدين.. والكارثة فى التعليم الابتدائى فقد مات موتا عميقا، وانتهى عصر المعلم والطالب من التعليم الابتدائى".
