صورة كارثية.. أخصائية اجتماعية تدوس بقدميها على صدر طالب إعدادى!

أثارت صورة حالة من الجدل بين رواد موقع التواصل الاجتماعى "فيس بوك"، وتضمنت الصورة قيام مدرسة بإحدى المدارس الإعدادية، بوضع طالب تحت قدميها، عقابا له.

وجاء نص البوست المصاحب للصورة كالآتى: "الهانم دى اسمها عديلة شغالة مدرسة تربية نفسية اللى هو زى أخصائية اجتماعية فى مدرسة إعدادى والطفل اللى تحت رجلها دا اسمه محمد حمدى فى 2 إعدادى مدرسة محمد عبده قاعد فى الفصل عادى جدا زيه زى أى حد معاه الولد اللى وراه صفّر افتكرته هو راحت جابته من القميص وحطيته تحت رجلها وإيده فوقيه عشان حتى مايحاولش يدافع عن نفسه".

واستكمل البوست: "وفى إيدها العصاية ولو حاول بإيده التانية يزقها تضربه وفضل يتحايل عليها ويقولها قلبى هيقف وهى عادى بتكمل كلامها مع الباقى، ولما مامته راحت تشتكى وتقولها ليه عملتى كدة تقولها إنه كان واقع وأنا بحاول أقومه من عالأرض وطبعا الولد دلوقتى رافض يروح المدرسة عشان شكله قدام صحابه وأنهم بيقولوا كنت زى الصرصار تحت رجلها.. وعاوزينهم يبقوا خريجين جامعيين وهما ملاقوش غير إهانة وتعليم زى الزفت".