كتبت أسماء زيدان
قال أحمد فتحى، مرشح حزب المصريين الأحرار، الخاسر عن دائرة مدينة نصر، إنه لو مفهوم الناس عن الخسارة هو عدم حصوله على عضوية البرلمان، "فاسمحولى أقولكم إنى ماخسرتش".
وأضاف "فتحى" فى بيان له على صفحته الرسمية على موقع التواصل الاجتماعى فيس بوك، اليوم الخميس، أنه يكفيه فخرًا حب الناس واحترامهم له، وإن المكسب الحقيقى هو تمثيل الشباب وإيجاد حلول واقعية للكثير من مشاكلنا، حيث أن مبدأنا منذ البداية هو أن الحملة حملة فكر وليست حملة أشخاص.
واختتم مرشح المصريين الأحرار بيانه بتقديم الشكر لوالده ووالدته قائلًا "مفيش كلام أقدر أعبر بيه عن مدى اعتزازى لوالدى ووالدتى اللى لولاهم بعد ربنا مكنتش أبقى بكتب رسالة زى دى دلوقتى، كل الشكر لكل فرد داخل الحملة، أنا فخور إنى اشتغلت معاكم، أقسم لكم بالله أن تعبكم ماراحش هدر، أى نعم الحملة كانت بتضم عدد كبير، بس كلنا كنا على قلب رجل واحد مؤمنين بفكرنا، هدفنا واضح وهو خدمة الناس وعايز أقوللكم لسه ورانا شغل كتير، شكرًا لكل من وثق فيا وأعطانى صوته، شكرًا لقواتنا المسلحة، الشرطة والسادة القضاة على مجهودكم الكبير، شكرًا لحزب المصريين الأحرار اللى آمن بفكرنا ولم يتردد فى الدفع بشاب فى أوائل الثلاثينات من عمره، أهالى مدينة نصر الكرام، بتمنالكم كل الخير والصحة والسعادة".
