السيسى: "الناس زرعت زمان علشان إحنا ناكل وإحنا هنزرع علشان الأجيال القادمة تاخد"

قال الرئيس عبد الفتاح السيسى، إن "الناس اللى زرعت زمان زرعت علشان إحنا ناكل، والمفروض كلنا نزرع مش علشانا إحنا بس، علشان الأجيال القادمة تاخذ، ومش علشان أنا اللى هعمل المفاعل يبقى أنا لازم أحضر، وبدل المشروع 100 مشروع، وبحاول أسرّع علشان أنجز وادّى أمل، وعلشان الفجوة بين اللى إحنا فيه واللى عايزين نوصل له تضيق".

وأضاف الرئيس السيسى خلال حواره مع الإعلامى أسامة كمال، على التليفزيون المصرى: "أنا عملت إسكان اجتماعى فى مشروع غير مسبوق، وكل اللى هيطلب شقة هنديها له لو انطبقت عليه الشروط، كل المشاريع المطلوبة لتطوير البنية الأسياسية وتهيئتها للاستثمار اتعملت، وأنا ما اخدش حاجة حتطها فى مكان إلا إذا كانت هتجيب 10 أو 100 مرة أكتر من اللى اتدفع فيها، والجنيه بيتدفع علشان يجيب، وده لازم يكون على المدى القريب علشان إحنا ظروفنا صعبة".

يذكر أن الرئيس السيسى اختار اليوم 3 يونيو لإجراء هذا الحوار، وإصدار الفيلم الوثائقى لإنجازته خلال العامين اللذين قضاهما فى سدة الحكم، لأن اليوم يُعَد ذكرى إعلان النتائج لانتخابات الرئاسة بعد ثورة 30 يونيو، والتى فاز فيها عبد الفتاح السيسى برئاسة مصر، بحصوله على 96.91% من الأصوات الصحيحة فى الانتخابات، على منافسه حمدين صباحى، وهو اليوم الذى اختار الرئيس فى أن يصارح الشعب المصرى عن كل ما نفذه خلال الفترة الماضية.