نائبة: "الليمون سعره 40 جنيه وعن نفسى مش اشتريه واستخدم الخل"

قالت إيفلين متى، عضو مجلس النواب عن محافظة دمياط، إن ارتفاع الأسعار فى رمضان يرجع إلى استغلال نفوذ التجار واحتكارهم للسلع الغذائية، مشيرة إلى أن سعر الليمون ارتفع إلى 40 جنيها، قائلة: "عن نفسى مش اشترى لمون تانى واستخدام الخل".

وأوضحت النائبة البرلمانية، فى تصريحات خاصة لـ"برلمانى" قائلة: "السلع موجودة ومفيش نقص فيها لكن الناس بتستغل بعضها، وفى جشع من التجار، يعنى إيه الليمون يوصل سعر لـ 30 و 40 جنيه".

وأضافت: "فى الحقيقة الأسواق محتاجة رقابة من البرلمان، ومجلس النواب دوره تشريعى ورقابى، لازم نشتغل ويكون فى حملات على الأسواق لضبط الأسعار".

وتابعت: "إحنا كشعب بنآكل فى بعضنا.. لما بتوع التموين يقولوا مفيش زيت وبعدين يوزعوا الزيت على الحلوانى أو مطاعم الفول والفلافل، ده جشع، ولازم يكون فى رقابة على موزعى التموين".