وجه الرئيس عبدالفتاح السيسي بدراسة إنشاء أسواق كبيرة داخل نطاق القاهرة والجيزة، بهدف السيطرة على الأسعار حتى نهاية العام، قائلا: "كنت إديت توجيه للدكتور مصطفى والمحافظات ووزارة الداخلية والتنمية المحلية بدراسة إمكانية ان الاراضى الفاضية فدانين في مصر الجديدة مثلا أو مدينة نصر او اى حتة تقدر تستوعب السوق ده"، احنا مستعدين نتحرك في برنامج سريع نعمله ونخلى الأسواق الرئيسية وتجار الجملة اتيحله يخش هنا، أعمل 20 سوق في القاهرة والجيزة بالمناطق دي، تتعرض عليا الخطة بس بشرط انا عملت كل ده علشان يبقا هامش الربح قليل".
وأضاف الرئيس السيسي خلال كلمته في افتتاح مشروع مستقبل مصر للإنتاج الزراعي، :"عاوز تخلى الرقابة على الأسواق وعدم استغلال الظروف يجب توفير المعروض شكل غير تقليدي عبر هذه الأسواق، التجزئة أمامه حل من الاثنين ييظبط سعره يا إما يظبط سعره برضه، احنا مسؤولين كدولة يا دكتور مصطفى على ان تفضل المنتجات متسيطر على أسعارها حتى نهاية هذا العام.
وتابع الرئيس: "وجهدنا مع بعضنا كلنا وكمؤسسات ومجتمع مدني وغرف مع الأسواق لا ينتهى حتى تنتهي الازمة بتداعياتها، والأراضى دى ممكن تكون بتاعت ناس مش هناخدها هنستخدمها بشكل مؤقت وندفع مقابل ذلك "إيجار" حتى تنتهى الازمة، بدل شادر القماش".
