بالفيديو.. حملة مرشح المصريين الأحرار تنشر أسباب دعمهم له..بعنوان "ليه إسلام الغزولى"

نشرت الحملة الانتخابية لإسلام الغزولى، مرشح حزب المصريين الأحرار، بدائرة النزهة ومصر الجديدة، مقطع فيديو على موقع الحملة على الإنترنت بعنوان "ليه إسلام الغزولى"، ومدته دقيقة واحدة، أوضح خلالها شباب الحملة أسباب تأييدهم ودعمهم لمرشح المصريين الأحرار، وقال أحد شباب الحملة "أنا بختار إسلام الغزولى علشان شاب فى دولة أكتر من 60% منها تحت سن الأربعين، ويهمنى جدا يكون فى البرلمان القادم، وكمان لأنه محامى ناجح، وأنا شايف إن وظيفة البرلمان التشريع والرقابة على أداء الحكومة، وأعتقد أنه هيكون قادرا على عملية التشريع ومراجعة كل القوانين اللى صدرت الفترة اللى فاتت"، و"احنا كشباب محتاجينه عشان يمثلنا ويوصل صوتنا".



وقالت إحدى أعضاء الحملة: "هيساعد فى بناء مصر جديدة"، ورأى آخر "علشان هيعبر عن صوت الشباب فى البرلمان وهيدافع عن حقوق المرأة"، كما قال شاب "محتاجين حد يجمع بين الخبرة وروح الشباب"، فيما قالت إحدى الشابات: "علشان هدفه خلق جيل جديد من الشباب جيل مثقف وواعى عارف يعنى ايه سياسة يعنى ايه انتخابات ويعنى ايه حق المشاركة"، كما شملت أسباب أخرى هى: "عشان أنا كشاب حاسس إن ليا دور وبما أنه رجل قانون فإحنا محتاجين قوانين كفاية ونطبقها"، و"لأنه أول مرشح بحس أنه بيمثل الشباب فعلاً"، و"هيفعل قوانين كتير متعطلة وده اللى محتاجينه الفترة الجاية"، و"هدفه مش مجرد كرسى فى البرلمان هدفه هو تنمية الشباب".

فيما اختتم إسلام الغزولى، الفيديو برسالة هى "مصر الجديدة مش حلم مستحيل، لأننا جيل ميعرفش المستحيل".