محمد الحسينى منتقدا تصريحات إلهامى عجينة: "مش فاضينلك وهبعتلك العجلة تاخد لفة"

انتقد محمد الحسينى عضو مجلس النواب عن دائرة بولاق الدكرور ، المعروف إعلاميا بـ"نائب العجلة" تصريحات النائب إلهامى عجينة، التى أصدرها عقب التلميح بإحالته للجنة القيم، قائلا: جميع تصريحاته خارج حدود اللياقة وغير مقبولة على الإطلاق.

وقال الحسينى ساخرا فى تصريح لـ"برلمانى": احنا مش فاضيين لعجينة، عندنا الأهم، وأمام ظروف اقتصادية صعبة تحتاج إلى أفكار خارج الصندوق، من أجل إنقاذ الدولة المصرية والنهوض بها، متابعا: "لو انت فاضى ياعجينة هبعتلك العجلة تاخد بيها لفة، ولا تحب تيجى انت بولاق الدكرور أحسن".

كان النائب إلهامى عجينة قال فى تصريح سابق لـ" برلمانى" تعليقا على إحالته للجنة القيم "أهلا بلجنة القيم فى البرلمان، هما هيدونا كتالوج نمشى عليه ولا إيه، ولا كلنا لازم نقول نفس الكلام ونفس الشعارات، وأنا عايز يبقى ردى على لجنة القيم بإن كل الحاجات اللى أنا قلتها أقدم بها مقترحات، و كمان أقدم اقتراح بإجراء كشف العذرية، واللبس الرسمى للنواب فى المجلس، والرجالة عندهم عجز جنسى ده ممكن أقدم به مقترح لوزير الصحة، وليه وزارة الصحة مبتعالجش الموضوع ده".