كتبت كرستين سامى
استمرارا لتفاعل قراء "برلمانى" مع الخدمة التى أطلقها الموقع تحت عنوان "واتس اب برلمانى"، أرسل أحد القراء رسالة قال فيها: "أنا دكتور، عندى طفلين، وبقالى سنتين ما شوفتش ولادى، لأن أمهم وأهلها بينتقموا منى فى الأولاد، وبينى وبين ولادى 40 متر ومش عارف حتى ألمحهم، حابسينهم فى البيت، وحاولت أشوفهم بكل الطرق الودية وفشلت، رفعت قضية رؤية واتحكم لى بتلات ساعات فى الأسبوع فى مركز شباب قرية غير مؤهل، والله العظيم مهجور، إزاى أبقى أبوهم وبينى وبينهم 40 متر وأشوفهم فى خرابة؟ إيه الظلم ده؟ فين مصلحة الطفلين دول؟ الرجاء توصيل مشكلتى لوزير العدل، لازم قانون لاستضافة الأطفال للطرف غير الحاضن، ولازم مراجعة وتقليل سن الحضانة اللى اترفع بدون مبرر، حرام عليهم، أطفالنا هتتدمر بقرارات سوزان مبارك، أنا عايز أشوف ولادى وأمتّعهم بيّا وأتمتّع بيهم، أغيثونى أغاثكم الله".
كان الموقع قد أطلق خدمة "واتس اب برلمانى"، لتكون حلقة وصل بين المواطن ونواب الشعب، وتهدف إلى مشاركة القراء فى تحقيق مزيد من التواصل بين الموقع والنواب، عن طريق إرسال الصور والفيديوهات والأخبار الموثقة والشكاوى، أو الرأى والتعليق السريع عبر "واتس اب برلمانى" لنشرها بالموقع.
ويمكنك من خلال خدمة "واتس اب برلمانى"، عبر الرقم 01200070737، تغطية نشاط نائبك فى الدائرة، أو التحقيق فى مشكلة تصادف دائرتك، أو عرض قضية تهم قطاعًا من المواطنين، أو للكشف عن نقص فى الخدمات أو توثيق الخدمات التى يقدمها النواب للمواطنين.
