كتبت كرستين سامى
استمرارًا لتفاعل قراء موقع "برلمانى" مع الخدمة، التى أطلقها الموقع تحت عنوان: "واتس اب برلمانى"، أرسل أحد القراء رسالة قال فيها: "المشكلة عامة أنا طالب بكلية الآداب جامعة بنها بالفرقة الثانية والدكاترة عندنا فى القسم لحد دلوقتى منزلوش غير كتاب واحد من كتب المواد كلها وخلاص الامتحانات قربت فات أكتر من 3 أشهر ومش بينزلوا الكتب مع أننا دفعنا المصاريف والمشكلة حضرتك أنهم بينتقموا مننا فعلا فى المقررات بتاعتهم علينا وده حصل الترم الأول والمجاميع بتاعتنا كانت سيئة جدا".
وأضاف عبر رسالته "نفس اللى حصل فى الترم الأول دلوقتى بيحصل وبيتكرر وبكده إحنا هنسقط وهما بيتحلفوا أنهم مش هيرحمونا فى التصحيح إلى جانب أن فى دكتورة بالقسم أقسمت أنها ما هترفع أى طالب ولو محتاج درجة واحدة فياريت الله يكرم حضرتك تساعدنا لأن إحنا طلبة وهنضيع بسبب الدكاترة وعدم رحمتهم بينا وإحنا أهلينا غلابة ومصاريف المعيشة متتحملش أننا نزود عليهم كمان سنة ولا اتنين عشان الدكاترة يعاندوا فينا ويمنعوا الكتب ويأخروها ده كلها وفى الآخر يقرروا كل الكتاب وخلاص الامتحان بقى فاضل عليه شهر ولا أقل فياريت رجاء تساعدنا وخصوصا أن ممكن لو الوزارة بتاع التعليم اتحركت الدكاترة يسهلوا شوية ويغيروا من معاملتهم الانتقامية دى ومعظهم سنهم صغير لما يتعدى الـ35 سنة".
كان الموقع قد أطلق خدمة "واتس اب برلمانى"، التى تعد حلقة وصل بين المواطن ونواب الشعب، وتهدف إلى مشاركة القراء فى المزيد من التواصل بين الموقع والنواب، عن طريق إرسال الصور والفيديوهات والأخبار الموثقة والشكاوى، أو الرأى والتعليق السريع عبر "واتس اب برلمانى"، لنشرها بالموقع.
ويمكنك من خلال خدمة "واتس اب برلمانى"، عبر رقم (01200070737)، تغطية نشاط نائبك فى الدائرة، أو التحقيق فى مشكلة تصادف دائرتك، أو عرض قضية تهم قطاعًا من المواطنين، أو للكشف عن نقص فى الخدمات، أو توثيق الخدمات التى يقدمها النواب.
