مرتضى مهددا أنور السادات: بلاش لجنة حقوق الإنسان..أنت متصور بالصوت والصورة "فيديو"

هدد

مرتضى منصور

عضو مجلس النواب، البرلمانى محمد أنور السادات، مشيرا إلى أنه يملك فيديوهات تدينه، قائلا: "محمد مش عايز أسمع صوتك خالص".

وقال منصور، فى لقاء تليفزيونى ببرنامج "انفراد" الذى يقدمه البرلمانى سعيد حساسين، عبر فضائية "العاصمة": " لما مرسى أصدر الإعلان الدستورى رفعت قضية ضده.. مين اللى رفع القضية.. حد منكم.. مرتضى منصور.. وأحمد مرتضى منصور يا عمرو يا شبكى".

وأضاف: "يا محمد أنور السادات، أخدت الشبكى وروحت للسيد البدوى، وقولت عايزين نقف مع الشبكى.. أنا هاجبلك تاريخك يا شبكى.. وبقولك أهو علنا ولو عايز ترد رد".

وتابع : "القعدة اللى كانت فى أحد المطاعم بتاعة مصر الجديد مع محمد عبد السلام لما قولت عايز أعمل أكاديمية الشباب وقعدت مع السفير الالمانى مع نادر بكار عشان تاخد 3 مليون يورو لانشاء الأكاديمية".

واستكمل : "وكان فى نائبة ألمانية اسمها فرنسيسكا قبل ما يسافر الرئيس السيسى إلى المانيا، وقولتها يا شبكى قدمى طلب عشان نزور الإخوان فى السجون والداخلية رفضت فخدتها تلف على أسر المحبوسين".

وتابع :"أنا بتحداك إنك تطلع تقول إنى بكذب.. محمد مش عايزو اسمع صوتك خالص أنت متصور بالصوت والصورة وبلاش لجنة حقوق الإنسان وخليك فى لجنة شؤون العاملين".