هيثم الحريرى: "الناس مش عايزه زيادة بس ما ترفعوش الأسعار.. ربنا يكفينا شر الحكومة"

واصل النائب هيثم الحريرى، عضو مجلس النواب عن تكتل 25/ 30 البرلمانى، هجومه على الحكومة، قائلاً - فى كلمته باجتماع لجنة القوى العاملة بالمجلس، المنعقد الآن بحضور وزيرى المالية والتضامن الاجتماعى لمناقشة زيادة المعاشات - "معروف أنى ضد الحكومة وبرنامجها، وأثمّن قرار رئيس الجمهورية الخاص بزيادة المعاشات".

ووجه "الحريرى" حديثه للوزيرين الحاضرين باللجنة، قائلاً: "الناس مش عايزه من الحكومة زيادة ولا مليم، بس ما ترفعوش الأسعار، وخفوا الضغوط على المواطن، وفى الحالة دى مش هيحتاجوا زيادات.. مش عايزين حاجة من الحكومة.. ربنا يكفينا شر الحكومة".

وتابع نائب تكتل 25/ 30 حديثه بالقول: "مع احترامى للوزراء، لكن ما سمعناش أفكار، همّا جايين يقنعونا باللى رفضه المجلس امبارح، وهو زيادة المعاشات 10%، ولكن المجلس صوت بالموافقة على الزيادة 15%، عرفونا إيه أفكاركم للزيادة، وعايزين الدعم يروح لمستحقيه، والحكومة مش عارفة تعمل ده، علشان مش عارفة تعمل قاعدة بيانات، عايزين نربط الوزارات لأن ده يوفر كتير للدولة، وهناك فرق بين الرغبة والقدرة، لو عندكم الرغبة نحققها لكم، ولو مش عندكم القدرة مش عايز أتكلم علشان محدّش يقول بيزايد".