ننفرد بنشر نص مشاجرة مرتضى منصور وعصام الإسلامبولى

بعد توصيات البرلمان برفض طلب رفع الحصانة عن النائب مرتضى منصور، ينفرد موقع "برلمانى"، بنشر نص الحوار "الأزمة" الذى تقدم بسببه المحامى عصام عبد العزيز الإسلامبولى "محامى" الشوبكى ببلاغ للنيابة العام يتهم فيه مرتضى منصور بسبه وقذفه داخل جدران المحكمة أثناء نظر الدعوى الخاصة ببطلان عضوية النائب أحمد مرتضى منصور عن دائرة الدقى والعجوزة.

واستدل "الإسلامبولى" بمقطع فيديو أنفرد بنشره موقع "اليوم السابع" عبر قناته المصورة " فيديو 7 "، يرصد تفاصيل الواقعة بالكامل، وهو الأمر الذى اعتمدته النيابة العامة فى تحقيقاتها.

وإلى نص المشاجرة التى رصدتها النيابة العامة:

مرتضى منصور موجهًا حديثه لأحد المتواجدين بجوار الشاكى "أساله فى فقيه دستورى بمقبول، فى فقيه دستورى يقعد عشر سنين فى كلية الحقوق، أسأله الأسئلة دى".

مرتضى منصور موجهًا لـ"الإسلامبولى": "اللى منشور ده إما دخلتك به السجن أمن وحمد الأمين وأبقى صغير، لو ما دخلتك السجن يا عصام أنت ومحمد الأمين ومحمود مسلم".
الإسلامبولى:" أعمل اللى أنت عايزه يا مرتضى".
مرتضى منصور موجها حديثه لـ"الإسلامبولى": "أنت تخنت ليه يا ابنى صحيح، بطنك كبرت ليه كدا".
الإسلامبولى: "أنت مالك".
مرتضى منصور: "أنا مالى.. ما تخف شوية أنت مش فقيه".
مرتضى منصور موجها حديثه لأحد المتواجدين بجوار "الإسلامبولى": "لا أنت ملكش دعوة أنت.. سيبنى منى للفقيه الدستورى ده معايا فى الكلية.. أنا دخلت الكلية أولى كان فى تالتة.. إتخرجت مكيل نيابة وهو فى تالتة".
الإسلامبولى: "أنت متخرج 74".
مرتضى منصور موجها حديثه لـ"الإسلامبولى": "أنت متخرج سنة كام".
الإسلامبولى: "متخرج سنة 73".
مرتضى منصور موجهًا حديثه لـ"الإسلامبولى": "أنت 73 يا راجل.. بتقدير إيه".
الإسلامبولى: "دفعة هشام بركات ودفعة.. يا ابنى أنا معايا قبل أنت ما تتخرج دبلوم قانون عام قبل ما انت تتخرج".
مرتضى منصور موجها حديثه لـ"الإسلامبولى": "إزاى ما أنا 74".
الإسلامبولى: "ما أنا واخده 74".
مرتضى منصور موجها حديثه لـ"الإسلامبولى": "تقديرك إيه وأنت متخرج؟ مقبول".
الإسلامبولى: "أنت مالك ومال تقديرى.. أنت سمعتك إيه".
مرتضى منصور موجها حديثه لـ"الإسلامبولى": "سمعتى أنضف وأشرف منك.. أنا مستقيل من على منصة القضاة يا –صافرة كاتمة للصوت- قديمة.. أنا أشرف منك.. كنت بتحضر قدامى محامى قد كده أوعى تنطق أنا أشرف منك".
مرتضى منصور موجها حديثه لأحد المتواجدين: "خليه يصور".
مرتضى منصور موجها حديثه لـ"الإسلامبولى": "يا بنى أنا أشرف منك.. يا بنى أنا أشرف منك".
الإسلامبولى:"ربنا يشفيك".
مرتضى منصور موجهًا حديثه لـ"الإسلامبولى": "جايب مقبول جايب مقبول وجاى تقولى فقيه".
مرتضى منصور موجهًا حديثه لـ"الإسلامبولى": "يا فقيه يا أبو مقبول".
الإسلامبولى: "أنا مقدر الظروف اللى أنت فيها".
مرتضى منصور موجهًا حديثه لـ"الإسلامبولى": "ظروف إيه بس أنت اللى عيان".
الإسلامبولى: "ربنا يشفيك ربنا يشفيك".
مرتضى منصور موجهًا حديثه لأحد المجاورين له: "طيب أنا عايز أسأل سؤال طب معقد نفسيا.. شوف شكله".
وأنتهى المقطع بتوجه المشكو فى حقه بعض خطوات مغادرًا مكان تواجد الشاكى.