الرئيس السيسى لـ"المحافظين": "كل واحد يشيل مسؤولية.. ويعرف كل كبيرة وصغيرة"

وجه الرئيس عبد الفتاح السيسى، كافة القادة والمحافظين الموجود فى نطاق مسئوليتهم مشروعات يتم تنفيذها بمتابعة تلك المشروعات، حيث قال: "من فضلكم لما يبقى فى مشروع بيتعمل جوه محافظاتكم تنزل وتشوف وتطمئن وتستعين بلجان فنية لمتابعة المشروعات".

جاء ذلك خلال كلمته بافتتاح توسعات جديدة بشركة النصر للكيماويات الوسيطة، اليوم السبت، وتابع فى حديثه للمحافظين قائلاً: "أنا من اتباع الكلام اللى زى كده عشان أطمن إن حاجاتنا بتتعمل بما يرضى الله.. وكل واحد فى مكانه يشيل مسئوليته، ويعرف كل صغيرة أو كبيرة داخل المحافظة، وعايزين نخلى نطاق الإشراف كبير من غير ما نعيق بعض، بس نطمئن أن الفلوس اللى بنحطها بتشتغل أفضل ما يمكن".

وتابع الرئيس السيسى: "السادة المحافظين والوزراء إذا كنا بنتكلم على مكافحة فساد.. يبقى الموضوع مفيش فيه محاباة ولا مجاملة، وبنعلم كده لأن دى بلدنا وحاجتنا ولازم نطمئن أن كل شىء يسير طبقا للمعايير".