وكيل "تعليم البرلمان" مؤيدا الوزير:مفيش حاجة اسمها طالب مدرسة لغات مايمتحنش بالإنجليزى

أشاد النائب عبد الرحمن برعى، وكيل لجنة التعليم والبحث العلمى بالبرلمان، بقرار وزارة التربية والتعليم والتعليم الفنى تفعيل المادة 15 من القرار الوزارى رقم 285، والذى يُلْزِم طلاب مدارس اللغات بأداء الامتحانات باللغة التى درسوا بها دون "العربية".

وقال "برعى" فى تصريحاتٍ لـ"برلمانى" أمس السبت: "بعض الطلاب سيفكرون فى التحويل لمدارس حكومية.. واللى الوزارة بتعمله ده هو الصح، مفيش حاجة اسمها طالب مدرسة لغات مايمتحنش بالإنجليزى، لكن لو رافض امشى وسيب المكان لزميلك اللى عاوز".

وأشار "برعى"، إلى أن الطلاب يريدون الآن التحويل لمدارس حكومية بعد القرار، ولكنهم فى نفس الوقت يسعون للبقاء فى مدارسهم الحالية للحصول على شهادات مدارس "اللغات".

وأضاف "برعى": "القرار صدر عام 2013 نظرًا لعدم وجود مدرسين أكفاء، ومفيش مدرسين بيعطول دروس خاصة فى مادتى الجيولوجيا والفيزياء.. ودول أكتر مادتين الطلاب عايزين يمتحنوهم بالعربى ولكن مفيش مدرسين.. ولمدة 3 سنوات كان الطالب يختار أداء الامتحانات سواء باللغة العربية أو الإنجليزية أيهما أفضل بالنسبة له".