لميس جابر لـ"برلمانى": "توفيق عكاشة فيوزه ضربت وهيكل كداب ومش عايز يرحم أبونا"

أبدت الدكتور لميس جابر، عضو مجلس النواب المعينة استغرابها من تصريحات الدكتور توفيق عكاشة عضو مجلس النواب، والتى أتهم فيها قيادات أمنية بإفشال سعيه لتشكيل ائتلافا للمستقلين، وقالت لميس فى حوار لـ"برلمانى": "أنا معرفش عكاشة إيه اللى جراله، أنا بحبه وهو راجل وطنى بس تقريبا فيوزه ضربت، رغم إنه فى وقت الإخوان قام بدور وطنى كبير، لكنه حدث له فرط ثقة فى النفس، وكان لازم يفهم إن دعم مصر هى اللى هتختار رئيس البرلمان، ببساطة لأنه الأغلبية".

وعن تصريحات الكاتب الكبير محمد حسنين هيكل فى أحد لقاءاته التليفزيونية عن غياب الرؤية والبوصلة السياسية، قالت لميس: "أنا مبقدرش أشوف حوارات هيكل، لا بقدر أشوفها، ولابفهمها، وياريته يرحم أبونا بقى، ويتكلم على قده، بيقولك مصر هتطلع من التاريخ، وبيقولك السيسى بينام 3 ساعات فقط، عرف منين، طب أنا بقى هستوجب السيسى، وهسأله فى البرلمان هو أنت بتقابل هيكل؟، أنا عايز أعرف عرف منين السيسى بينام كام ساعة؟، ده كداب، وكل اللى بيقوله ليس فى مصلحة الدولة".