بالفيديو..مرتضى منصور عن نقد السوشيال ميديا لرئاسته حقوق الإنسان: "يشربوا من الخرارة"

قال

النائب مرتضى منصور

،

رئيس لجنة حقوق الإنسان

، المكلفة بمراجعة القرارات بقوانين الصادرة فى غيبة البرلمان، تعليقًا على النقد الموجه لرئاسته للجنة، "أنا لا اعترف بـ"البكابورت" اللى اسمه "سوشيال ميديا" ده، دا بكابورت ضارب اسمه "سوشيال ميديا"، والمعترضين يشربوا من "الخرارة"، وأنا مش بخاف".

وعن أولوياته فى العمل داخل اللجنة، قال رئيس لجنة حقوق الإنسان المكلفة بمراجعة القرارات بقوانين الصادرة فى غيبة البرلمان، فى تصريح لـ"برلمانى"، اللجنة لم تجتمع وسنناقش خطط أعضاء واللجنة، فاللجنة ليست الرئيس فقط بل هى الأعضاء، وعندما نجتمع سنستمع ونتناقش فى كل الخطط والآراء، وحينما ننتهى من العمل، سأتكلم باسم اللجنة كرئيس عن خطتها.

وفيما يخص انتشار فيديو له يهاجم فيه حقوق الإنسان، أكد "مرتضى منصور"، أنه يقصد أن الإرهابى ليس له حق عنده، لأنه يسحب حق الحياة من المواطن المصرى، مضيفًا: "أنا مش بخاف ولا بغير كلامى، والرئيس الفرنسى، لما قال ممنوع فرنسى ينزل من بيته ليه محدش اتكلم عن حقوق الإنسان، وأقل حقوق المواطن هى حق التنقل والناس التزمت، قولوا كده بقى للعيال بتوع "المجارى" بتوع "فيس بوك"، والـ"فيس بوك" ده "مجارى ضاربة"، كل يوم شتيمة وقلة أدب وعيال فاضية ومش عاجبهم العجب ولا الصيام فى رجب".

وتابع: "أنا فى نادى الزمالك، أمشى ميدو يقولوا مشيته ليه، أجيب ميدو يقولوا جيبته ليه، وفيريرا قعد ليه، ومش هنعجب الناس دى لأنها قاعدة فاضية طول النهار لقلة الأدب، ومواقع التواصل الاجتماعى "للتواصل" لكن اللى بيعملوه ده اسمه "تفسخ اجتماعى"، وحقوق الإنسان وكرامته جوه القسم وتوفير بيت نضيف ومياه يشربها نضيفه وبيت فيه صرف صحى ومستشفى فيها سرير نضيف وعلاج ومدرسة محترمة تليق بالطالب، هى دى حقوق الإنسان، إنما حقوق الإنسان تروح تقبض من أمريكا وقطر وتركيا وتقل أدبك على بلدك، ده اللى هيضرب بالجزمة وكلامى واضح واللى مش عاجبه يشرب من "الخرارة".