"إرسالك على بر".. نائب: البرلمان منبطح للحكومة.. وبعد دقائق: المجلس مش منبطح (فيديو)

فى واقعة طريفة، سجلت كاميرا قناة "صوت الشعب"، تناقضا فى كلمة شريف نادى، عضو مجلس النواب عن محافظة المنيا، حيث تحدث النائب مرتين بجلسة واحدة، وفى كلمته الأولى التى تناولت معاناة المواطن، قال النائب: "شكرا ياريس إن حضرتك أعطتنى الكلمة بعد سبع شهور قبل الدور ما يخلص"، فرد عليه عبدالعال ضاحكا: "طب كويس لسه فاضل شهرين أهو".

ووجه حديثه للدكتور على عبدالعال رئيس المجلس، قائلا: "مش قادرين نرفع وشنا فى وش الناس اللى انتخبونا‏"، مضيفا "يا سيادة الريس الشعب اختارنا عشان نتكلم باسم المواطن البسيط عشان نتكلم باسم الراجل اللى فى الشارع، اللى مش بنعرف نوريه وشنا مش بنعرف نتكلم سيادتك معاهم، مش بنعرف ندافع عن حقوقهم، حاسين إن المجلس منبطح للحكومة، عفوا فى اللفظ".

وبعد 3 دقائق، عاد النائب شريف نادى، ليؤكد: "ياريس أنا مش بقول إن المجلس منبطح.. أنا مش بقول أن المجلس منبطح، هذا المجلس من أنزه ومن أشرف المجالس، واحنا كلنا لينا الشرف اننا نكون فيه، والمجلس قوى ياريس بس بيتعرّض لحملة"، فقاطعه عبدالعال بصوت عالٍ ملوحا بأصبعه السبابة: "حملة من الغير مش من الداخل".