ظهور سمكة قرش من جديد فى الغردقة.. إلهامى عجينة: "لازم نصطادها وناكلها قبل ما تاكلنا"

طالب النائب إلهامى عجينة، عضو لجنة حقوق الإنسان فى البرلمان، تعليقًا على ظهور قرش "الحوت" من جديد بالقرب من شعاب الفانوس وجزيرة الجفتون بالغردقة، بالاعتراف بالظاهرة كونها طبيعية مصدرها البحار.

وقال "عجينة"، فى تصريحاتٍ لــ"برلمانى" اليوم الخميس: "دى ظاهرة طبيعية موجودة، والمفروض الحكومة ووزارة السياحة تعمل على مكافحة هذا النوع من الأسماك، وطالما ظهرت سمكة قرش بندارى ليه؟، قول آه كان فيه واصطدناها وكلنا لحمتها كمان، ونقول إحنا اللى كلنا القرش.. مش القرش اللى كلنا".

وأضاف "عجينة": "مفيش سمكة قرش فيها خطورة وسمكة صديقة للبيئة، سمكة القرش فى حد ذاتها شكلها مرعب.. وحكاية عدم تشكيلها خطورة ده كلام تهريج.. دى ظاهرة طبيعية موجودة، والمفروض الحكومة ووزارة السياحة تعمل على مكافحة هذا النوع من الأسماك، أما نقعد نقول مش خطيرة فده كلام تهريج وخارج من حد عبيط فاكر إن الناس عُبْط، لما تلتهم هذه السمكة أى مصطف أو أحد السياح الأجانب ونقعد نبرر لازمتها إيه؟.. سمك القرش بيظهر فى ميامى فى أمريكا وأستراليا ودول العالم كلها".

وتابع "عجينة": "تعودنا إننا مانعترفش بالمشكلة، وطول ما إحنا كده مش هنحل أى مشكلة، لما نقول إن فيه سمكة قرش دى حاجة ماتعرناش ولا تعيبنا، لأنها حاجة طبيعية من البحر".