ملابس تحمل لفظ الجلالة.. وسعيد حساسين معلقًا: "لسه ياما هنشوف من تقاليع الموضة"

أشاد النائب سعيد حساسين، الإعلامى وعضو مجلس النواب عن محافظة الجيزة، بالدور الكبير الذى قام به رجال الجمارك لإحباط شحنة ملابس جاهزة تحمل عبارات تسىء للإسلام، متابعًا: "انتوا عارفين تقاليع الموضة اللى بتطلع كل يوم، الأزياء دى حاجة جميلة، لكن فيه بناطيل جديدة نزلت مصر مكتوب عليها لفظ الجلالة وبسم الله الرحمن الرحيم، بالإضافة لعبارات أخرى تسىء للإسلام، وياما هنشوف بناطيل مقطعة على الركبة قلنا ماشى، بعديها بناطيل مقطعة على الخلفية قلنا لا، دلوقتى بناطيل مكتوب عليها لفظ الجلالة".
وأضاف "حساسين" - خلال تقديمه لحلقة اليوم من برنامج "انفراد" المذاع عبر فضائية "العاصمة" - قائلاً: "أنا شفت البنطلونات دى من سنة على مواقع التواصل الاجتماعى قبل ما تنزل مصر ، ودلوقتى الحمد الله إن رجال الجمارك صاحيين،وشايفين شغلهم، وقدروا يمنعوا دخول البناطيل دى لمصر، برافوا عليكم رجال الجمارك المحترمين".