كتب مصطفى النجار
قالت النائبة جليلة عثمان، عضو مجلس النواب، إن توقف التضخم وزيادة الأسعار يكون بالإنتاج والعمل، مطالبة بتشغيل المصانع المتوقفة من خلال ضخ سيولة مالية فيها بحيث تنتج وتوظف عاملين مضيفة: "الإنتاج لو بدأنا نصدره أو على الأقل نلبى به احتياجات السوق الداخلية سيحل أزمة ارتفاع الأسعار الناتجة عن الاعتماد على الاستيراد.
وأضافت جليلة عثمان، فى تصريحات لـ"برلمانى"، "أى سلعة لو توقفنا عن استيرادها لازم يكون عندنا بديل لها، ولكن لما أوقف الاستيراد ومعنديش إنتاج الناس سوف تلهث وراء أى سلعة مستوردة لعدم وجود بديل محلى، ولازم الدولة عشان تقدر تخطى المرحلة الصعبة اللى احنا فيها تنتج".
كما طالبت بإعادة تشغيل كل مصانع الغزل وأن تنتج، موضحة "الناس مبقوش قادرين يشتروا منتجات مستوردة حتى أو الخامات المستوردة المصنعة محليًا غالية أيضًا".
وتابعت: "دى فرصة لينا، لازم ننتج ونتوسع فى زراعة قصب السكر والأرز والقطن، لتلبية احتياجاتنا الداخلية لتقليل حجم الاستيراد لعمل اكتفاء ذاتى والتوجه بعد ذلك للتصدير".
وحول رأيها عن ور الاستثمار الأجنبى للتخفيف من إرتفاع التضخم، قالت النائبة جليلة عثمان، "عشان نستنى مستثمر ييجى واحنا معندناش حاجة تجيبه مش هيجى طالما معتمدناش على نفسنا، ولازم الناس تبقى عندها ثقافة الاستغناء وترشيد الاستهلاك، ولازم الدولة تحكم الاسعار والسوق، وأكيد فى قوانين ممكن المجلس يقوم بتشريعها لتحديد هامش الربح، أو نشر سوق موازية من المجمعات أو الحكومة والقوات المسلحة".
