أسامة هيكل كاشفًا أسرار جديدة عن تشكيل "فى حب مصر": "رفضنا واحدة مشهورة عشان سمعتها"

كشف النائب أسامة هيكل، القيادى بائتلاف "دعم مصر"، أسرارا جديدة عن كواليس تشكيل قائمة فى حب مصر، وذكر خلال حواره لموقع "برلمانى" أغرب المواقف التى حدثت أثناء تشكيل القائمة قائلا: "فى واحدة عملت البدع مع كل قيادات القائمة علشان تدخل معانا، ولما سألنا عليها طلع إنها شعبيًا ما تنفعش وسمعتها مش كويسة، فمخدناهاش، فبفتح إحدى القنوات اللى تخصصت فى الهجوم على القائمة، لقيتهم بيستضيفوها كل كام يوم، فبتقولهم أنا كنت فى القائمة دى وخرجت منها لما لقيتهم كلهم حزب وطنى، ففى الوقت ده ممكن المشاهد يصدقها ويكره القائمة، وفى رسايل جت لى من ناس، إن لو ما أخدتونيش هولع عليكم الفيس بوك".

وعن المؤامرات التى تعرضت لها القائمة قال: "كانت مؤامرات كثيرة، من الخصوم وعدد من الإعلاميين، وكان فيه برنامج شهير واخد خط مضاد لكل القائمة فيها، لكن فى النهاية جاب لنا حقنا الناس".

وعلق على الاتهامات التى كانت متبادلة بينه وبين المستشارة تهانى الجبالى أثناء فترة الانتخابات وقال: "موضوع وخلص، طويت صفحته تمامًا".