نائب العجلة عن ارتفاع أسعار الذهب: "اللى يتجوز دلوقتى بطل وبلاش نكدب على بعض بالشبكة"

قال النائب محمد الحسينى، عضو مجلس النواب بمحافظة الجيزة، والشهير بنائب "العجلة"، إن من يتمسك بالشكليات فى الزواج من شبكة وخلافه، يظلم أبناءه ويعطل استقرار الأسر ويزيد نسبة العنوسة.

وأضاف عضو مجلس النواب، فى تصريحات خاصة لـ" برلمانى" اليوم الجمعة، قائلا : "اللى بيقدم على خطوة الزواج دلوقتى بطل الله يكون فى عونه، فى ظل الظروف الاقتصادية الصعبة" ، مشددا: " الشبكة مش هتوقفنا واللى بيفهم بيريح ولا احنا هنكدب على بعض بالشبكة احنا عايزين شاب كويس يخاف ربنا، ومعدش فى قدرة على شراء الذهب من أول ما جرام الذهب وصل لـ300 جنيه" .

جاء ذلك تعقيبا على ارتفاع سعر الذهب ليصل عيار 21 إلى 410 جنيه للجرام الواحد، وانطلاق بعض الدعوات على الفيس بوك لمقاطعات "الشبكة" لتسهيل سبل الزواج أمام الشباب.