كتب محمد مجدى السيسى
شهد اجتماع لجنة النقل المنعقد الآن برئاسة اللواء سعيد طعيمة، لمناقشة مقترحات لزيادة إيرادات شركة المترو، جدلا حادا بين رئيس اللجنة، وعلى فضالى رئيس هيئة تشغيل وإدارة مترو الأنفاق.
بدأ ذلك بحديث وجهه اللواء سعيد طعيمة لرئيس هيئة المترو، قائلا: "أنت لازم كاقتصادى يكون عندك تنبؤات بالمستقبل، بغض النظر عن كوّن الجنيه مش كتير، وإنك لو دخلت سوبر ماركت تشترى لابنك أو حفيدك حاجة الجنيه مش هيكفى، لكن لا تتخيلوا الشعب بيقول عننا ايه، وأنا لا ألوم الوزير هو اتخذ قرار جرىء، ولو فشل فيه ممكن يتشال".
وتابع "طعيمة" حديثه عن رأيه بالقرار: "أنا بعذر الوزير، وهذا اقتناع شخصى لأنه موجود بالوزارة منذ ٣ أو ٤ أسابيع، فلما ياخد قرار جرئ ونقف على رجلينا أفضل، القرار فى منتهى الجرأة، وأنا لو مكانه مش هعمل غير كده، لغاية ما أشتغل على تنمية كل هيئة واشوف اقتصادياتها".
وتابع حديثه الموجه لعلى فضالي: "عايزين نشوف طرق مستقبلية وخطة اقتصادية، دون الاعتماد على جيب المواطن، أنت ما بتدفعش مخالفات، ولا بتاع المواقف مطلع عينك زى الميكروباص".
وعلى الجانب الآخر، عقب رئيس شركة مترو الأنفاق، بأن الشركة تعانى من سنوات طويلة، فقاطعه طعيمة: "نحن نتعامل مع المترو ككيان قانونى موجود وأنا عايزك تقولى هتعمل أيه"، فرد "الفضالي": "الإيراد العام الماضى كان ٥١٧ مليونا، وفى العام الذى عملت فيه زاد ١١٩ مليونا، وعاوزين نشوف العالم شغال إزاي، هل بيعتمد على التذكرة أم ماذا؟ ".
