كتب على عبد الرحمن
وجهت
الدكتورة جهاد إبراهيم، عضو مجلس النواب عن ائتلاف دعم مصر، رسالة للفتيات بمناسبة عيد الحب، قالت فيها: "فى الأول حابة أقولكم على أغلى وأجمل هدية على قلبى جاتلى فى الفلانتين النهارده، والمهم مش الهدية المهم فى المفاجأة اللى اتقدمت بيها، شكرًا من كل قلبى لكل اللى فرحنى، لأنهم وقتها بيفرحوا ملاك اسمه جهاد إبراهيم".
وأضافت جهاد إبراهيم – فى تدوينة عبر صفحتها على موقع التواصل الاجتماعى "فيس بوك"، اليوم الأحد – قائلة: "الرسالة اللى للبنات، اوعى تنسى إنك كتلة مشاعر وحب وعاطفة متحركة، اوعى تقتليهم، عيشى الحب مع نفسك وطلعى الطاقة دى، علشان مش تتحول لكبت وبعدها هتكونى عرضة لاستغلال ناس كتيرة ما عندهمش ضمير ولا أخلاق، هيساوموكى على حبك وهيبيعوا ويشتروا فيكي، وهيدّعوا إنهم بيحبوكي وهما أصلا مش بيحبوا حد فى الحياة، ولا حتي نفسهم".
وتابعت النائبة جهاد إبراهيم رسالتها بالقول: "يالّا انزلى حالاً وهاتى وردة لنفسك، وقولى لها أنا بحبك يا نفسى، وبعدها ومع الوقت هيكون الحب شعارك، لأنك هتمارسى الحب، عيشيه مع مامتك، أخوكى، صاحبتك، قطتك، عربيتك، وهتلاقى بعدها جالك فارس حقيقى يكون مكمّل ليكى، مش فارس بيعوّض نقصه فيكى".
