حسن عمر لمحافظ القليوبية: "لو لم تُرفع القمامة من المحافظة سأطالب بضمها للقاهرة"

أكد النائب حسن عمر حسنين، عضو مجلس النواب بدائرة الخصوص والعبور والخانكة بالقليوبية، أنه أرسل رسالة لمحافظ القليوبية اللواء محمود عشماوى بشأن تراكم وانتشار القمامة بشكل غير مبرر بقرى وشوارع الخصوص، قائلا: "الخصوص مش صغيرة علشان تتعامل كده أو تهمش، ولا علشان حضرتك تهمشها بالطريقة دى للأسف مجلس المدينة مبيشتغلش غير لما جيت علشان تصلى".

وأضاف "عمر" فى تصريحات لـ"برلمانى": "أنا عاوز أعرف هو عشان سيادتك تنزل الخصوص ساعة يتم تنظفها بالطريقة اللي شفناها، طيب بالنسبة للبنى آدمين اللي عايشين هناك مش مهم"، مشيرا إلى أنه لو أن محافظة القليوبية لا تعترف بان الخصوص مدينة كبيرة يسكنها اكثر من ٢ مليون نسمة سيطالب بأن تكون تابعة لمحافظة القاهرة، قائلا: "يمكن يحسوا بالناس اللي في الخصوص".

وتابع "عمر": "هو المفروض علينا كنواب ننزل نشيل الزبالة مكان مجلس المدينة انا عن نفسي معنديش مانع بس توفروا الفلوس اللي بيخدوها من رئيس مجلس مدينة وعمال وموظفين مع ان المفروض ان في حاجه اسمها متعهدين بيشيلوا القمامة ومجلس المدينه بحسبهم بس للأسف هناك مصالح مشتركة، وانا اتحدي اي حد من المحافظة او مجلس المدينة ان يطلع خصم من المتعهدين دول مع العلم ان كل الناس شاهده على شغلهم".

وناشد "عمر"، أبناء مدينة الخصوص برصد أماكن تراكم القمامة بشوارع المدينة مع كتابة العنوان بالتفصيل، وهو سيخاطب الجهات المختصة، مشيرا إلى أنه لن يتهاون في محاربة المفسدين، ولن يتنازل عن حقه كنائب في الرقابة.